ນະໂຍບາຍຄວາມເປັນສ່ວນຕົວ

3.1 ປະເພດຂໍ້ມູນ

SIENG ເກັບກຳຂໍ້ມູນດັ່ງຕໍ່ໄປນີ້ສຳລັບຈຸດປະສົງທີ່ໄດ້ອະທິບາຍໄວ້ຂ້າງລຸ່ມ:

• ຊື່ ແລະ ນາມສະກຸນ: ເກັບກຳເພື່ອລະບຸຜູ້ຮ້ອງທຸກ.
• ອາຍຸ: ເກັບກຳເພື່ອຢືນຢັນວ່າຜູ້ໃຊ້ຕ່ຳຄຸນສົມບັດໃນການຍື່ນຄຳຮ້ອງທາງການ.
• ເບີໂທລະສັບ: ເກັບກຳຂໍ້ມູນເພື່ອຢືນຢັນ OTP ໃນການລົງທະບຽນ/ເຂົ້າສູ່ລະບົບ ແລະ ເພື່ອໃຫ້ເຈົ້າໜ້າທີ່ສາມາດຕິດຕໍ່ພົວພັນກັບທ່ານ ກ່ຽວກັບການແກ້ໄຂຄຳຮ້ອງທຸກ.
• ອີເມວ (ບໍ່ບັງຄັບ): ຜູ້ໃຊ້ສາມາດລະບຸຊ່ອງທາງການຕິດຕໍ່ເພີ່ມເຕີມ ເພື່ອຄວາມສະດວກໃນການປະສານງານ ແລະ ຕິດຕາມຄວາມຄືບໜ້າຂອງຄຳຮ້ອງທຸກ.
• ທີ່ຢູ່: ຂໍ້ມູນນີ້ ຈະຖືກເກັບກຳເພື່ອປະກອບເຂົ້າໃນຂັ້ນຕອນການຮ້ອງທຸກ ແລະ ຊ່ວຍໃຫ້ໜ່ວຍງານທີ່ກ່ຽວຂ້ອງສາມາດກຳນົດຂອບເຂດເຂດການປົກຄອງ (ບ້ານ, ເມືອງ, ແຂວງ) ທີ່ຈະຕ້ອງຮັບຜິດຊອບແກ້ໄຂ.
• ບັດປະຈຳຕົວ / Passport: ເກັບກຳເພື່ອຢືນຢັນຕົວຕົນຂອງຜູ້ຮ້ອງທຸກໃນການຍື່ນຄຳຮ້ອງຢ່າງເປັນທາງການ ເພື່ອຮັບປະກັນຄວາມຖືກຕ້ອງ ແລະ ຄວາມຮັບຜິດຊອບຕໍ່ຂໍ້ມູນທີ່ໄດ້ລາຍງານ.
• ຂໍ້ມູນຫຼັກຖານ: ຮູບພາບ, ວິດີໂອ, ໄຟລ໌ສຽງ ແລະ ໃບບິນ ຈະຖືກເກັບຮັກສາໄວ້ເປັນຫຼັກຖານປະກອບຄຳຮ້ອງທຸກ ເພື່ອຊ່ວຍໃຫ້ເຈົ້າໜ້າທີ່ສາມາດກວດສອບ ແລະ ດຳເນີນການແກ້ໄຂບັນຫາໄດ້ໄວຂຶ້ນ.
• ຂໍ້ມູນຄຳຮ້ອງ ລວມທັງຂໍ້ມູນຜູ້ປະກອບການ: ເກັບກຳຂໍ້ມູນເປັນສ່ວນໜຶ່ງຂອງຄຳຮ້ອງທຸກ ລວມທັງລາຍລະອຽດຂອງສິນຄ້າ, ການບໍລິການ, ການຊື້ ແລະ ຂໍ້ມູນຂອງຮ້ານຄ້າ ຫຼື ຜູ້ໃຫ້ບໍລິການທີ່ກ່ຽວຂ້ອງ.

3.2 ຈຸດປະສົງການເກັບກຳ

ຂໍ້ມູນທັງໝົດທີ່ SIENG ເກັບກຳ ຈະຖືກນຳໃຊ້ເພື່ອຈຸດປະສົງໃນການຍື່ນຄຳຮ້ອງທຸກ, ຢືນຢັນຕົວຕົນ, ສະໜັບສະໜູນການແກ້ໄຂບັນຫາຂອງເຈົ້າໜ້າທີ່, ແລະ ເພື່ອຄວາມສະດວກໃນການຕິດຕໍ່ສື່ສານລະຫວ່າງທ່ານ ກັບ ໜ່ວຍງານທີ່ກ່ຽວຂ້ອງເທົ່ານັ້ນ.

3.3 ການແບ່ງປັນຂໍ້ມູນ

ຂໍ້ມູນຂອງທ່ານຈະຖືກແບ່ງປັນໃຫ້ແກ່ ກົມການຄ້າພາຍໃນ ແລະ ໜ່ວຍງານທີ່ກ່ຽວຂ້ອງ ພາຍໃຕ້ກະຊວງອຸດສາຫະກຳ ແລະ ການຄ້າ ເພື່ອໃຊ້ໃນການດຳເນີນການແກ້ໄຂຄຳຮ້ອງທຸກເທົ່ານັ້ນ. ເຮົາບໍ່ມີນະໂຍບາຍຂາຍ, ເຊົ່າ ຫຼື ແບ່ງປັນຂໍ້ມູນສ່ວນຕົວກັບບຸກຄົນທີສາມ ເພື່ອຈຸດປະສົງທາງການຄ້າ.

4.1 ການຈັດການຂໍ້ມູນຢ່າງປອດໄພ

ພວກເຮົາໃຫ້ຄວາມສຳຄັນກັບຄວາມປອດໄພຂອງຂໍ້ມູນສ່ວນຕົວຂອງທ່ານ. ມາດຕະການດັ່ງຕໍ່ໄປນີ້ໄດ້ຖືກນຳໃຊ້ເພື່ອປົກປ້ອງຂໍ້ມູນຂອງທ່ານ:

• ການເຂົ້າລະຫັດ: ຂໍ້ມູນທັງໝົດທີ່ສົ່ງລະຫວ່າງແອັບ ແລະ ເຊີຟເວີ ຈະຖືກເຂົ້າລະຫັດຕາມມາດຕະຖານຄວາມປອດໄພ ເພື່ອປ້ອງກັນການລັກລອບເຂົ້າເຖິງ ຫຼື ການດັກຟັງຂໍ້ມູນໂດຍບໍ່ໄດ້ຮັບອະນຸຍາດ.
• ການຄວບຄຸມການເຂົ້າເຖິງ: ການເຂົ້າເຖິງຂໍ້ມູນສ່ວນຕົວ ແລະ ຂໍ້ມູນອ່ອນໄຫວຂອງທ່ານ ຖືກຈຳກັດໄວ້ສະເພາະເຈົ້າໜ້າທີ່ ແລະ ບຸກຄະລາກອນທີ່ໄດ້ຮັບອະນຸຍາດ ທີ່ມີຄວາມຈຳເປັນໃນການດຳເນີນງານເທົ່ານັ້ນ.

4.2 ການເກັບຮັກສາ ແລະ ການລຶບຂໍ້ມູນ

ພວກເຮົາເກັບຮັກສາຂໍ້ມູນຂອງທ່ານສະເພາະໄລຍະເວລາທີ່ຈຳເປັນ ຫຼື ຕາມທີ່ກົດໝາຍກຳນົດ. ທ່ານສາມາດຮ້ອງຂໍລຶບບັນຊີ ແລະ ຂໍ້ມູນທັງໝົດຂອງທ່ານໄດ້ທຸກເວລາ, ໂດຍພວກເຮົາຈະດຳເນີນການໃຫ້ໂດຍໄວທີ່ສຸດ.